بؤلوم :
سوُچا ایتَلَنمه نین سبب لری
شنبه 11 بهمن 1393     یازار : 
+0 به یه ن

سوُچا (جۆرمَه)  ایتَلَنمه نین سَبب لری

اوُشاق لارئ و گَنج لری سوُچا ایتَلَه یَن سبب لر بوُ گۆن چوْخ یاخچئ بیلینیر.  باتئ اؤلکه لرینده اوُشاق سوُچلوُ لوُغوُ صَنعَتی لَشمه ایله موُتَناسیب اوْلاراق آرتئش گؤرسَتمیشدی هِئچ شۆبهه سیز صَنعتی لَشمه سۆرعَت لی و نیظام سئز شَهَرلَشمه نی بیرلیخده گَتیریر. اوْنوُن مَحصولو اوْلاراق ایش سیزلیک، گَلیر داغئمئندا برابر سیزلیک لر، عَنعَنه لرین سارسئلماسئ،  خصوصاً اوُشاق و گنج جمعیت ین آرتئمئ سوُچ مِیْلی یارادئر.
یوخارئدا سایئ لان ایجتیماعی فاکتوْر لارئن عائیله لرده و فرد لرده یاراتدئغئ مَمنوُنیّت سیزلیک لر ( ناریضایتی لر) ،  اوُموُد سوُزلوُق لار،  چاره سیز لیک دوُیغوُ لارئ،  سوچا مـِیْل و استعداد یارادئر .آیرئجا کند دَن شَهَرَه کؤچَن عائیله لردَه کی اوُیغون لاشما ( اَنطَباق پَذیری)  چَتین لیک لری،  چتین شرط لرده وئریلن یاشام ساواشئ دا اوشاق لارئن اۆزَرینده منفی تأثیر قوْیوُر.
یاخئن یوْل دان حَقّینی آلماق،  " ووُرغونو ووُرماق،  کۆنجۆ دؤنمَک " کیمی سؤز لر،  ناموُسوُیْلا چالئشئب گئچینمه ایمکانئ اوْلمایان بیر مُحیط دَه تؤرَییر.
یوْخسوُل دا اوْلسا کَنددَه یاشایان گنج لری دیزگین لَیَن ( مَهار ائدن) ،  یـوْل دان چئخمالارئنئ ( موُنحَریف اوْلمالارئنئ)  اؤنله یَن باشقا فاکتوْر لار واردئر .اینسان داورانئش لارئنئ تنظیم لَیَن،  بَلیرگین (واضح) عَنعَنه لر ( سۆنّت لر)  و رسم لر،  گۆج لۆ قوْنشوُلوُق علاقه لری،  قوْهوُم لار آراسئ بیرلیک  و آلئن یازئ سئنا بوْیوُن اَیْمه وَردیشی ( عادتی) . 
بیر حال دا کی،  شَهَر لرده اینسان علاقه لری گَوشَنمیش (بوْشالمئش) و چئخار لارئنئ گۆدمه دۆرتۆسۆ (انگیزه سی)  عَنعَنَوی دَیَر موُحاکیمه سینین اؤنۆنه کِچمیش دیر.  بوُ سبب لَه بؤیۆک شَهَر لرده کی یوْخسوُل قیسیم داها اوُموُدسوُز،  داها دَستَک سیز (حامی سیز)  و داها حیرس لی دیر. وارلئق و بوْل لوُق اوْرتاسئندا اؤز حالئنا شۆکر ائتمَز.  شهرده کی یوخسولون بو روُحی وَضعیتی اوْنوُ غیر قانونی یول لارا ایته لَیَه بیلیر.
شهره کؤچن عائیله دایاناق سئز ( نا پایدار) و تَک باشئنا دئر.  غریب بیر مُحیط ده کؤک سالّاماق،  باش دؤندۆرۆجۆ دَییشیک لیک لره اوُیغون لاشماق مجبوریت ینده دیر. یوْخسوُل عائیله بو دییشیک لیک لره بیردَن آیاق اوُیدوُرا بیلمَز ؛  بوجالایا بیلیر ( مورَدَّد اوْلوب نه ائده جَغینی قرار وئره بیلمییه بیلیر)  .
کَند جامَعه سینده اَلده ائدیلَن باجارئق لار ( مهارت لر)  شَهَرده ایشه گَلمَدیغی کیمی،  دَیَر موُحاکیمه لری و تجرۆبه لر ده یول گؤرسه دیجی دَییل دیر.
بابانئن بو محیط ده اؤز اوُشاق لارئنا نُموُنه ( اُلگوُ) اوْلماسئ  یا دا بَلَد چیلیک ائتمه سی غِیْری مۆمکۆن دۆر

یوْخسول بیر عائیله اوُشاغئنئن،  بۆتۆن بو مَوانِعی آشماسئ و یوْلوُنوُ تاپماسئ آسان دَییل. 





آچار سؤزلر : سوچون سبب لری, گنج و سوچ, عوامل جرم زا,
یارپاق لار : 1