لوْمبروْزو نون آتاویستیک آدامئ و ایتالیالئ مکتب

ایتالیالئ بیر دکتر اوْلان سِزار لُمبروْزوْ " داروینیزم و تکامۆل " نظریه سی نین تأثیری ایله، سوچون أصلینده تکامۆل پروسسی نی کامیل اوْلاراق تاماملایامامئش فرد لر طرفیندن ایشلَندیینی ادعا ائتدی. 

ایتالیانئن مۆختلیف بؤلگه لریندَن تخمیناً 3000 آدام اۆزَرینده ائتدیی آراشدئرما نتیجه سینده سوچلو لارئن دیگر انسان لارا گؤره " غیرِ عادی " بیر فیزیک گؤرۆنۆش لری نین اوْلدوُغوُنا قناعت گتیردی. 

لومبروزویا گؤره بو فرق لی لیک لر سوچلو لارئن دیگر انسانلارا گؤره تکامۆل پروسسی نین داها گریده قالماسئندان قایناق لانئردئ. 

سوچلو شخص لرین اصلینده فیزیکی خصوصیت لری و زکاء توتوم لارئ ( زکاء ظرفیت لری) جهت یندن گِری و ایلکِل اولدوق لارئنئ و بو وضعیت نتیجه سینده سوچ ایشلَدیک لرینی ادعا ائتمیشدیر بوُنادا آتاویستیک آنوْرمال لئک تانئسئ (تشخیصی)  قوْیموُشدوُر.  بونلار اوُزوُن قوْل لار، گِئنیش چَنَه سۆمۆیۆ،  چئخئنتئ لئ آلماجئق سۆمۆک لری،  فرق لی رنگ لرده گؤزلره صاحیب اوْلماق کیمی خصوصیت لر دیر.

حَتا سوُچلو لارئ وحشی حیوان لارلا قیاس لامئش و سوُچلو لارئن دا عیناً وحشی حیوان لار کیمی قاپاتئلما لارئنئن ضروری اوْلدوُغوُنوُ مۆدافیعه ائتمیش دیر.