بؤلوم :
کلاسیک مَکتَب ( کریمینولوژی)
شنبه 18 بهمن 1393     یازار : 
+0 به یه ن
کلاسیک مکتب
کلاسیک مکتب، عیناً دیگر انسان رفتارلارئ کیمی جۆرمۆ تشکیل ائدن رفتارلارئ دا،  افرادئن اؤزگۆر ( آزاد) ایراده سیلَه توتدوقلارئ راسیوْنِل تصمیمات نتجه سینده اوْرتایا چئخدئغئنئ مۆدافیعَه ائدیر.  
بو فلسفه یَه گؤره انسان لار،  هر هانسئ بیر آددئم آتمادان قاباغ رفتارلارئنئن نتیجه سینده نه قازانئب نه ایتیردیخلَرینی ( اوُتوزدوقلارئنئ) قیمت لَندیریر و بیر معنادا کآر_ضرر ( فایدا _ زیان)  حسابئ گؤرَرَک ایقدام ائدَرلَر .
بو نۆقطه ده،  بنتامئن فایداجئلئک فلسفه سی ایچینده انسانلارئن رفتارلارئنا حۆکم ائدن ایکی گۆج اولاراق مۆشَخص اوْلان حظ لر و لذت لر ایله آجئ لار و دردلر افرادئن سئچیم لری نی شکیل لَندیرن تَمَل ( اساسی)  سائیق لر اوْلاراق اوْرتایا چئخارلار  و مۆجریمانه رفتارئ دا بو باخئش آچئسئندان قایناق لانئر. زیرا افراد،  توتاجاق لارئ تصمیماتئ و اوْرتایا قوْیاجاق لارئ سئچیم لر له آجئ لارئنئ خفیف لَدَرَک حظ لری نی و لذت لری نی آرتئرما مِیلینده دیرلر.
جۆرمۆ تشکیل ائدن رفتارلار عمومیت له فرد آچئسئندان " گَتیریسی چوْخ، گؤتۆرۆسۆ آز " آلترناتیولر اوْلدوق لارئ اۆچۆن مینیموْم سَعی ( چابا) ایله ماکزیموْم فایدانئن اَلده ائدیلدیغی سئچَنَک لر ( گُزینه لر) اوْلاراق افرادئن سئچیمینده اثر قوْیارلار.  بو نۆقطه ده کلاسیک مکتبه گؤره جۆرمۆ قاباغ لامانئن ( قاباغئنئ آلمانئن)  اَن کَستیرمه یوْلوُ،  جزا یولویلا " جۆرمۆن خَرجینی آرتئراراق " جۆرمۆ راسیوْنل بیر سئچیم اوْلماقدان چئخارماقدئر. جزالارئن جایدئرئجئ ( بازدارنده)  اوْلا بیلمه سی اۆچۆن قطعی،  تئز (چابوک) و جۆرمه اوُیغون بیر نیسنتده شیدَّت لی اوْلماسئ ضروری دیر و بیر جزا عدالت سیستِمی نین جایدئرئجئ (بازدارنده) اوْلا بیلمه سی اۆچۆن بو خصوصیاتا صاحیب اوْلماسئ شرط دیر.  
نه وار کی،  انسان ایراده سینین و راسیونالیته سینین نامحدود و مطلق اوْلمادئغئ،  آیرئجا بۆتۆن جۆرم لرینده راسیونل بیر سئچیم نتیجه سینده آلئنان تصمیم لر لَه تَحَقۆق تاپمادئغئ وضعیتی گؤز اؤنۆنه آلئندئغئندا، جایدئرئجئ لئغئن کیشی دَن کیشی یَه و جۆرم تیپینه گؤره بلّی بیر دَییشیم گؤرسَدَجَغی و بو سبب له ده جایدئرئجئلئق دُکترینی جۆرمۆ قاباغلاما ( جۆرمۆن قاباغئنئ آلما)  نۆقطه سینده محدودیت لری اوْلان بیر فلسفه اوْلدوُغو اوُنوُتوُلمامالئدئر. ♥♥♥

آچار سؤزلر : کلاسیک مکتبی, مکتب کلاسیک, بنتام,
یارپاق لار :