عشق آجئ سئ

آیرئلئق آجئ سئ ... اوندان آیرئلدئنئز و اونو اونودا بیلمیرسینیز . و اصلاً اونودا بیلمَه یه جَک سینیز کیمی حیس ائدیرسینیز . عشق آجئ سئ آدلاندئردئغئمئز اون سوزلوق  حیسی سیزی یِئیب قورتارئرسا اومودسوزلوغا قاپئلمایئن . چونکی سیزین کیمی حیس ائدن سایئ سئز انسان وارئیدئ و هاموسودا اوُنوُتدو . سیز نییَه اونودا بیلمَه یَه سیز ؟        

                                                          

 

آیرئلئق سونراسئ یاشانان چتین لیک لر نِئجَه گئچَر ؟ عِشق و آیرئلئق آغرئ سئنئ نَه گِچیریر ؟ اونو اونوتمانین یول لارئ بورادا ...                                                                                                                   

یِنی چاغا عائید عشق آجئ سئنئ گئچیرمه نین موعاصیر فورمول لارئ ...                                         

کؤهنَه سئوگیلی یین اجتماعی مِدیا حِساب لارئندان سیل و یا بلوک ائلَه

اونون پایلاشما لارئ سیزین اوچون بِزدیریجی اولا بیلَر . بلکه اؤزونوزو فِیس بوک دووارئنئزدا اونو خاطئرلادان پایلاشئم لارلا باشا چئخا بیلَه جَک قَدَر بؤیوک و مقبول بیری اولاراق گؤره بیلیر سینیز . یادا ائتدیی پایلاشئم لارئن سیزی اصلاً اوزه بیلمَه یَه جَغینی دَه دوشونه بیلیر سینیز آما اوُنوُتمایئن کی زامانلا اونون حایاتئنا گیرَن باشقا انسان لار اولا بیلیر و بونو گؤرمَک نَه اولورسا اولسون سیزی سئویندیره بیلمَز .                                  

تَک باشئنا قالماق کیمی بیر دوشونجه نیز وارسا ، اَن دوزو دوست لارئزئزئ چاغئرمانئز

بو دؤور ده یالنئز و کَدَرلی اولماغئ سئچه بییلَرسینیز . بیری ایله پیس بیر آیرئلئق یاشادئغئنئزدا ، بوتون پوچ رفتارئنئزئ تاخیلئب "کالوین هاریس " ماهنئ لارئ نئ دینله مَز ، سرت بیر شِی لر ایستر و او مِتالچئ ، عاصی کورن روحونا گری دؤنرسینیز .            

بونلارئن یئرینه سئودیینیز بیر دوستوزلا دردلَشمک چوخ داها یاخچئ انتخاب دئر .            هاموموزون قلب قئرئق لئق لارئ وار . اونلار سیزی پیژاما لارئنئزئن ایچینده ، داغئنئق ساچ لارئنئزلا آغلاییرسئنئز دِیَه محاکیمَه ائتمَزلَر .                                             

درحال یولداش قالماغا قرار وئرمه یین

      یولداش قالماق دا البته بیر انتخاب دئر . لکن در حال بونا قرار وئرمه یین . حتّا او بونو پیشنهاد وئرسه ده سیز بیر آز فیکیرلَشمه یَه احتیاجئنئزئن اولدوغونو سؤیله یین .

بو بیر دورتو چونکی سیز آیرئلئغئ چوخ اومورسایان طرف اولاراق گؤرولمَک ایسته میرسینیز .سویوق قانلئ گرولمک ایسترسینیز . آما اصلینده ، بو صُنعی غریب آیرئلئق مودَّتی بویونجا ؛ اونونلا یولداش قالا بیلَجَک یادا قالمایاجاق اولمانئزئ سؤیلَمَک چتین دیر .

عمومیت لَه بیر طرف دوست قالماق ایستَیَرکَن دیگری داها چوخونو ایستَر . ساغلام بیر یولداشلئق دان قاباغ بونون اوزرینده چالئشمالئ سئنئز . طبیعی اگر دوغوردان بو ساغلام یولداشلئق  مومکون سَه ، اونون ایله یولداش قالمایئ ایسته مَمیز ، مغلوبیتی قبول ائتدییمیزی معناسئنا گَلمَز .                                                                                    

سیزی مشغول توتاجاق فعالیت لر لَه باشلایئن

بلکه بو یوگا اوچون یاخچئ بیر زامان اولمایا بیلیر لکن ینی بیر شئی لره باشلاماق اوچون یاخچئ بیر زامان دئر مثلا کیک بوکس ، امین اولون منفی انرژی زی چؤله آتماق اوچون سیزه یاخچئ گلجَک .               

چؤلده داها چوخ زامان گئچیرین

بو بیر کلیشه اولا بیلیر آما بیراز تمیز هاوا آلماق ، حقیقتاً باشئنئزئن ایچینده کی گرک سیز دوشونجه لری تمیزلَمَه نیزه کمک چی اولور . بیر مودّت اوچون گونشی گؤرمک سیزجه ده یاخچئ بیر فیکیر دییل می ؟ اَن آزئندان هر گون ایکی ساعات لئغئنا اونودولموش رویالار ماغاراسئندان چئخئن و اِشیک دونیا ایله تعاموله  گئچین .                                                       

              گؤز یاشلارئزئ توتمایئن                   

احتیاج حیس ائتدیغینیزده آغلاماق اوچون اؤزونوزو توتماغا چالئشمایئن ، بوراخئن گؤز یاشلارئز آخسئن . آیرئلئق آغرئسئنئن ایلک گونلرینده کی اوزون آغلاما نؤبت لریندن سونرا اؤزونوزو یئغئشدئرماغا باشلادئغئنئزئ حیس ائده بیلَرسینیز . آما بعضاً ایچینیزدن بیر شِئی قوپار و آغلاما اِحتیاجئ حیس ائدَر سینیز .

     بو چوخ نورمال دئ ، اصلاً اؤزوزو توتمایئن و احتیاج گؤردوغوزده آغلایئن . آغلاما احتیاجئنئز ، ضعیف یادا گوج سوز اولدوغونوزدان دَییل ؛ هَلَه حیس ائده بیلَن و یاراسئ هنوز قاپانمایان بیر انسان اولدوغونوزدان دئر .                                                

آرادا بیر گَلَن آغلاما حیسی ، یاخچئ لاشماغا باشلادئغئنئزئن دا بیر گؤستَرگه سی دیر .بوراخئن ایچینیزده کی دویغولار دا گؤز یاشلارئ ایله بیرلیکده یاواش یاواش قوروسون .      اورتاک یولداش لارئنئزلا بیر مودت گؤروشمَیین

                اورتاق بیر یولداشئنئزدان بیر دوغوم گونو پارتیسی دعوتی آلدئنئزسا ، گئتمه یین . ائوده اوتورون ، اوزونوزه ماسک قویون ، فیلم ایزله یین . ایلک باشدا بو اونا نه ایتیردیینی ، سیزین یاخچئ وضعیت ده اولدوغونوزو و قازانان طرف اولدوغونوزو گؤرسَتمک اوچون گؤزَل بیر فورصت میش کیمی گَله بیلَر . دیک دابان باشماق لارئنئزئ گئییب اونا نسبت ائدن موحتَشَم قَه قَهه لر آتئب و اؤزونوزو راضئ سالا بیلَرسیز . آما بیر دوشونون بو حقیقتاً ، سیزین اوچون یاخچئ اولار ؟ ! دویغولارئنئزئ تامامیلَه کؤرَلتیپ ، خودوه (اؤزلَم) حیس سینه و وئردیی آغرئیا دؤزه بیلَرسینیز می ؟ حتا اونا قارشئ نیفرت و یا گوناهلاندئرما دویغوسو حیس ائتمه دیینیزده بونون زامانئ گلمیش اولا بیلَر ، آما بو آن دَییل .                                 

بیرآز یاواشلایئن

بو دؤورده باشقا بیری ایله سئوگیلی اولسانئز ، بیرآز آغئردان آلئن . داها یئنی بیر علاقه دن چئخدئنئز ، اوره گینیز یارالئ و ژان کلود وان دام فیلم ینده کی تانکر لر کیمی بیر پارتلاما یاشادئ . یاواشدان آلاجاق و سئرادان بیر شِئی میش کیمی بونون دادئنئ چئخارداجاقسئنئز ، بو سیزه حقیقتاً بیر علاقه یَه حاضئر اولوب اولمادئغئنئزئ آنلامانئز اوچون بیرآز زامان وئره جک . آما دِدییمیز کیمی اوره گینیز بیر دَفعه قئرئلدئ ، ایلک باشدا بیرآز آغئر آددئم لار آتماقدا فایدا وار . اؤزونوزو گری قازانماق اوچون پلان لار ائدین . شخصی اینکیشاف کتاب لارئ آلئن ، ایدمان یارئشمالارئنا ( ورزشی موسابقاتا) قاتئلئن ، آلئش وئریشه چئخئن یاخئن هَمجینس یولداشلارئزنان داها قاباغدان گؤرمَدیینیز یئرلره گئدین . بانیوزو  (حامامئزئ) "وئرجیمه دَییل " رنگینه بویایئن ، یالنئز اؤزونوز اوچون بیر شئی لر ائدین . اونو گری قازانماق اوچون بیر شئی لر ائتمه یین                                                .

عاشیقانه ماهنئ لار قولاغ آسار کَن اسکی سی قَدَر حوزون اَنمه دییزی فرق ائده جکسینیز . ماهنئ لارئن سؤزلرینه دیقت کَسیلیب اؤز وضعیت ینیزلَه باغلانتئ قورماقدان واز گئچمیش سینیزدیر .